السلة فاضية.
تسوق الكلقانوني
إجابات بسيطة عن بياناتك، الدفع، وسياسة الطلبات عندنا.
آخر تحديث: أغسطس ٢٠٢٦
لما تطلب — سواء من فورم اختار تصميمك أو على واتساب مباشرة — بنجمع اسمك، رقم موبايلك، وعنوان التوصيل. دي نفس البيانات اللي هتديها لأي محل بتشتري منه، ومفيش زيادة عن كده.
بنستخدم البيانات دي بس عشان نأكد طلبك ونجهزه ونوصله — مفيش غير كده. إحنا مش بنبيع أو نأجر أو نشارك بياناتك مع أي حد تالت، ومش بنستخدمها في أي حاجة غير تنفيذ طلبك.
بنستخدم Microsoft Clarity عشان نفهم الزوار بيستخدموا الموقع إزاي — أكتر الصفحات بتاخد اهتمام، وفين بيدوسوا — عشان نحسّنه. وهنستخدم كمان Meta Pixel لما نضيفه عشان نقيس أداء إعلاناتنا. مفيش أداة من الاتنين بتستخدم عشان تعرف هويتك الشخصية.
كل الطلبات بتتدفع عند الاستلام. مفيش أي مبلغ بيتحصّل مقدماً — بتدفع للمندوب كاش لما البوستر يوصلك على الباب.
كل بوستر بيتعمل لما تطلبه — مفيش حاجة بتتطبع أو تتأطر غير بعد الطلب. بنوصل لكل محافظات مصر. القاهرة الكبرى (القاهرة والجيزة والقليوبية): خلال يومين. باقي المحافظات: من 2 إلى 5 أيام كحد أقصى.
لو البوستر وصل فيه تلف، أو في عيب في الطباعة، أو مش نفس التصميم اللي طلبته، ابعتلنا صورة خلال ٤٨ ساعة من التوصيل وهنرتبلك بديل مجاني، وشحن الإرجاع كمان يبقى علينا. في أي حالة تانية، مصاريف شحن الإرجاع بتكون على العميل.
لكل الأسئلة عن الطلب، شوف صفحة إزاي تطلب.